Украинанинг Донбасс бўйича контакт гуруҳидаги делегациясининг матбуот котиби ва президент Владимир Зеленский офиси раҳбари маслаҳатчиси Алексей Арестовичнинг таъкидлашича, Украина давлатини Русь-Украина деб қайта номлаш зарур.
“Рус бу бизлар, руслар русинлар. Мен давлат номини ўзгартириб, Рус-Украина деб атаган бўлар эдим. Ҳозирда биз бу масала устида ишламоқдамиз”, деб айтган Арестович.
Унинг таъкидлашича, Россиядан “руслар” брендини тортиб олиш зарур.
Владимир Зеленский 28 июлдаги нутқи вақтида Киев Руси Украина тарихининг “онаси”, Қрим яримороли эса унинг “фарзандлари” ҳисобланишини айтган. “Улар унинг ворислари бўлишга ҳақли. Амакиваччалар ва узоқ қариндошлар эса унинг меросига раҳна солмаслиги керак”, деб таъкидлаб ўтганди ўшанда Украина раҳбари.
