Судьялар олий кенгашининг навбатдаги йиғилишида ваколат доирасига кирувчи қатор масалаларни кўриб чиққан кенгаш аъзолари уч нафар номзодни судьялик лавозимида бўлишнинг навбатдаги 10 йиллик муддатига тайинлаш тўғрисида қарор қабул қилди.
Судьялар олий кенгаши қарорига кўра:
Муроджон Ҳасанов – судьялик лавозимида бўлишнинг навбатдаги ўн йиллик, шундан беш йил муддатга Хоразм вилояти жиноят ишлари бўйича Урганч шаҳар судининг раиси лавозимига;
Наврўз Ҳамроев – судьялик лавозимида бўлишнинг навбатдаги ўн йиллик муддатига Қашқадарё вилояти фуқаролик ишлари бўйича Қарши туманлараро судининг судьяси лавозимига;
Зафар Шаропов – судьялик лавозимида бўлишнинг навбатдаги ўн йиллик муддатига Тошкент вилояти жиноят ишлари бўйича Зангиота туман судининг судьяси лавозимига тайинланди.