Қўшимча функционаллар
-
Тунги кўриниш
Хитой Афғонистоннинг янги ҳукумати билан мулоқотга тайёрлигини маълум қилди
Хитой ТИВ вакили Ван Вэнбиннинг сўзларига кўра, Пекин Афғонистондаги янги ҳукумат "халқ манфаатларини ҳисобга олиши ва халқаро ҳамжамият кутаётганидек ҳаракат қилиши"дан умидвор.
Хитой ҳукумати "Толибон" ҳаракати томонидан тузилган Афғонистоннинг янги ҳукумати билан мулоқотга тайёр. Бу ҳақда Хитой ташқи ишлар вазирлиги вакили Ван Вэнбин маълум қилди.
"Биз янги афғон ҳукумати билан мулоқотни қўллаб-қувватлашга тайёрмиз", — деди у.
Вэнбиннинг сўзларига кўра, Пекин Афғонистондаги янги ҳукумат "халқ манфаатларини ҳисобга олиши ва халқаро ҳамжамият кутаётганидек ҳаракат қилиши"дан умидвор.
"Афғонистон ҳукумати толерант бўлади ва терроризмга қарши ҳамкорлик қилади деб умид билдирамиз", — деди Вэнбин.
Унинг қайд этишича, Афғонистонда янги вазирлар маҳкамаси шаклланиши "бу мамлакатда ҳукумат йўқ бўлган уч ҳафталик давр тугаганини билдиради".
"Хитой Афғонистон суверенитети ва мустақиллигини ҳурмат қилади", — деб таъкидлади Вэнбин.
Аввалроқ Ўзбекистон ташқи ишлар вазирлиги расмий вакили Афғонистонда муваққат ҳукумат тузилиши юзасидан баёнот берганди.
АҚШнинг Афғонистондан кетиши
Мавзуга оид
07:35
Хитойда робот теннис ўйнашни ўрганди: у 96 фоиз аниқлик билан зарбаларни қайтармоқда
20:48 / 22.03.2026
Хитой компанияси Ўзбекистонда техник углерод ишлаб чиқаришни йўлга қўйиши мумкин
21:43 / 21.03.2026
Хитойлик аёл 28 йил олдин қайнотаси ҳожатхонага ташлаб кетган фарзандини топди
19:21 / 21.03.2026