Қозоғистон ва Беларусь КХШТ давлатлари учун қурол ишлаб чиқаради

Қозоғистон ва Беларусь КХШТ давлатлари учун қурол ишлаб чиқаради. Бу ҳақда Россия бош вазири ўринбосари Юрий Борисов маълум қилди.

Фото: Арам Нерсесян/РИА «Новости»

Унинг таъкидлашича, альянс Афғонистондаги вазият ортида чегаралар хавфсизлигини таъминлаш бўйича ўз имкониятларини оширмоқчи. Бу мақсадда Беларусь ва Қозоғистоннинг мудофаа-саноат мажмуасидан фойдаланилади.

Аввалроқ Тожикистон президенти Имомали Раҳмон КХШТга аъзо давлатлар ташкилотнинг жанубий чегараларини биргаликда мустаҳкамлашга келишиб олишганини маълум қилганди.