Ҳозирда Starlink Шимолий Америка, Европанинг бир қисми, Янги Зеландия ва Чили аҳолисига хизмат кўрсатади.
Фото: SpaceX
SpaceX компанияси раҳбари Илон Маск Starlink сунъий йўлдош интернет сервиси октябрда расман ишга тушишини эълон қилди. У бу ҳақда Twitter саҳифасида ёзди.
Тахминларга кўра, келаси ойдан сервис бета-синов босқичидан чиқарилади.
Engadget нашрининг ёзишича, ҳозирда Starlink Шимолий Америка, Европанинг бир қисми, Янги Зеландия ва Чили аҳолисига хизмат кўрсатади.
Яқин вақт ичида сервисдан Мексика ва Японияда ҳам фойдаланиш мумкин бўлади.
Starlink сунъий йўлдош интернети тўлақонли ишлаши учун ер яқинидаги орбитага 12 мингта сунъий йўлдошни жойлаштириш кўзда тутилган. Бу тахминан 10 миллиард долларга тушади.
