Қашқадарёда мактаб ўқувчилари мажбурий меҳнатга жалб қилинди

Ижтимоий тармоқларда Қарши туманидаги мактабда ўқувчилар дарс вақтида мажбурий меҳнатга жалб қилингани айтилган хабарлар тарқалди. Меҳнат вазирлиги хабар бўйича муносабат билдирди. Унга кўра ўқувчиларнинг ишлатилгани тасдиқланган.

Маълум қилинишича, Қарши тумани Халқ таълими бўлимига қарашли 45-мактабда ўқувчиларнинг мажбурий ишлатилгани ҳолати Қашқадарё вилояти Бандлик бош бошқармаси Давлат меҳнат инспекцияси томонидан ўрганилган.

Ўрганиш давомида Қарши туманида жойлашган 45-мактаб ўқувчилари ободонлаштириш ишларига жалб қилингани ҳолатлари аниқланган.

Қайд этилишича, мазкур ҳолат бўйича Давлат меҳнат инспекцияси томонидан ваколат доирасида тегишли ҳужжатлар расмийлаштирилиб, прокуратура органларига юборилган.