Тухум ва картошканинг минимал-максимал нархлари қимматлашган.
Давлат статистика қўмитаси ҳудудий марказий деҳқон бозорларида ўтказилган кузатув натижалари бўйича алоҳида турдаги озиқ-овқат маҳсулотлари минимал-максимал нархини маълум қилди.
2021 йил 27 октябрь ҳолатига кўра, суякли мол гўштининг 1 килограмми нархи 45 000 – 68 000 сўмни ташкил қилмоқда. Шунингдек:
- Қўй гўшти (1 кг) 52 000 – 80 000 сўм;
- Картошка (1 кг) 2800 – 7000 сўм;
- Пиёз (1 кг) 1200 – 3500 сўм;
- Сабзи (1 кг) 1500 – 8000 сўм;
- Тухум (10 дона) 7000 – 15 000 сўм;
- Гуруч (1 кг) 5000 – 17 500 сўм;
- Ўсимлик ёғи (1 л) 14 000 – 24 000 сўм;
- Шакар (1 кг) 7500 – 9500 сўм.
15 октябрь ҳолати билан таққослаганда, картошканинг минимал нархи 300 сўмга, максимал нархи 500 сўмга, 10 дона тухумнинг минимал нархи ҳам, максимал нархи ҳам 1000 сўмга қимматлашган.
