Явада уйғонган ҳалокатли вулқон оқибатлари — суратларда

Индонезиянинг Ява оролида жойлашган Семеру вулқони отила бошлади. Ундан чиқаётган кул ва олтингугурт атрофдаги қишлоқларга ёпирилди ва маҳаллий аҳоли орасида ваҳима келтириб чиқарди. Ҳукумат тоғларда яшовчи одамларни зудлик билан эвакуация қилишга киришди.

Вулқон яқинидаги Сумбер Вулух қишлоғи Juni Kriswanto / AFP / Scanpix / LETA

4 декабрь куни Индонезиянинг Ява оролида мамлакатдаги 130га яқин вулқонлардан бири — Семеру вулқони фаоллаша бошлади. Вулқон отилиши оқибатида кул устуни 15 километргача баландликка кўтарилган, шу туфайли авиакомпаниялар ўз маршрутларини ўзгартиришига тўғри келган.

Ҳавога чиққан кул устуни унинг атрофидаги 11 қишлоқни қоплаб олган. Қутқарув амалиётини ҳудудда кўрувчанлик қийинлашгани электр таъминоти узилгани ва тропик ёғинлар мураккаблаштирмоқда.

Сўнгги маълумотларга кўра, ҳодиса оқибатида 56 киши ҳалок бўлган, яна 100га яқин киши жабрланган. Шифохонага ётқизилганларнинг аксарида қайноқ лавадан куйиш асоратлари қайд этилган.

Шарқий Ява провинциясидаги Лумаджанг округидан 900дан ортиқ кишини эвакуация қилишга тўғри келган.