Биржа савдоларида бензин нархи арзонлашди

Ўтган ҳафта давомидаги биржа савдоларида бензин нархи 4,8 фоизга, пахта ёғи нархи 0,8 фоизга, шакар нархи 1,3 фоизга арзонлашган.

Фото: ТАСС

20–26 декабрь кунлари «Ўзбекистон Республика товар-хомашё биржаси» АЖнинг барча савдо платформаларида 2 трлн 302,9 млрд сўмлик товарлар сотилган бўлиб, бу аввалги ҳафтага нисбатан 5,6 фоизга кўпдир.

Бензин

Кўриб чиқилаётган даврда АИ-80 русумли автомобиль бензинининг кунлик ўртача нархлари маҳсулотнинг бир тоннаси учун 8 млн 151,3 минг сўмдан 7 млн 762,3 минг сўмгача, яъни 4,8 фоизга пасайган.

Ўтказилган биржа савдолари натижасида АИ-80 русумли автомобиль бензини бўйича шаклланган ўртача ҳафталик нарх маҳсулотнинг бир тоннаси учун 7 млн 914,2 минг сўмни ташкил этган.

Пахта ёғи

Ҳисобот даврида барча навли пахта ёғининг кунлик ўртача нархлари маҳсулотнинг бир тоннаси учун 15 млн 745,9 минг сўмдан 15 млн 616,9 минг сўмгача ёки 0,8 фоизга арзонлаган.

Шакар

Кўриб чиқилаётган даврда шакарнинг барча категорияси бўйича шаклланган кунлик ўртача нархлар маҳсулотнинг бир тоннаси учун 7 млн 864,9 минг сўмдан 7 млн 759,9 минг сўмгача, яъни 1,3 фоизга пасайган.