2021 йилда энг кўп “Cobalt” автомобили ишлаб чиқарилган. Бу ҳақда Давлат статистика қўмитаси маълум қилди.
Қўмита хабарига кўра, автомобил ишлаб чиқариш саноатида 2021 йилда ишлаб чиқарилган автомобиллар сони бўйича “Cobalt” етакчилик қилмоқда - 71 082 дона.
Кейинги ўринлардан 51 061 дона ишлаб чиқарилган “Lacetti-Gentra” ва 31 466 дона ишлаб чиқарилган “Nexia T-250” жой олди.
Шунингдек, 2021 йилда 55 068 дона “Damas”, 17 308 дона “Labo” ва 9 915 дона “Spark” автомобили ишлаб чиқарилган.
Аввалроқ, Ўзбекистон қайси давлатларга энг кўп автомобил экспорт қилгани маълум бўлганди.
2021 йилнинг январь-ноябрь ойларида Ўзбекистон енгил автомобилларни энг кўп Қозоғистонга экспорт қилган — 28 651 та. Кейинги ўринлардан Украина (744 та) ва Россия (448 та) жой олган.