Қўнғирот тумани ҳокими ўзгарди

Фото: Бекзод Мадаминов / Қорақалпоғистон хабар агентлиги

Қўнғирот тумани ҳокими лавозимига Бекзод Мадаминов тайинланган. Бу ҳақда Вазирлар Кенгаши матбуот хизмати хабар берди.

Тайинловга қадар у Давлат активларини бошқариш Қорақалпоғистон Республикаси бошқармаси бошлиғи лавозимида ишлаган.

Бекзод Баҳодирович фаолияти давомида Молия вазирлигининг Қорақалпоғистондаги масъул ходими, Беруний тумани ғазначилик бўлими бошлиғи, Беруний тумани ҳокими ўринбосари лавозимларида ишлаган.

Фото: Қаллибек Халмуратов / Қўнғирот туманининг собиқ ҳокими

Мадаминовгача 2020 йилнинг 9 февралидан буён Қўнғирот тумани ҳокими лавозимида Қаллибек Халмуратов ишлаб келаётганди. Унинг кейинги фаолияти ҳақида ҳозирча қўшимча маълумот берилмади.

Бундан олдин Қорақалпоғистон Республикаси Вазирлар Кенгаши раисининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига Абатбай Данияров тайинланганди.

Тайёрлаган: Шуҳрат Саидаҳматов

#ҳоким #Қўнғирот тумани