Ҳукумат қарори билан Баҳодир Мирзаев «Тошкент ирригация ва қишлоқ хўжалигини механизациялаш муҳандислари институти» миллий тадқиқот университети ректори этиб тайинланди. Бу ҳақда Telegram’даги «Ҳуқуқий ахборот» канали хабар қилди.
Қайд этилишича, у бунга қадар университетнинг биринчи проректори лавозимида ишлаб келган.
Аввалроқ, Тошкент ирригация ва қишлоқ хўжалигини механизациялаш муҳандислари институти университетга айлантирилганди.
Эслатиб ўтамиз, институти ректори, иқтисод фанлари доктори, профессор Ўктам Умрзоқов 2021 йил июль ойида вафот этганди.
