Пиллачилик ва қоракўлчиликни ривожлантириш қўмитаси раисининг биринчи ўринбосари Қарши тумани ҳокими этиб тайинланган.
Фото: Қашқадарё вилояти ҳокимлиги ахборот хизмати
Қашқадарё вилояти ҳокимлиги ахборот хизматининг хабар беришича, бугун, 2022 йил 7 феврал куни халқ депутатлари Қарши тумани Кенгашининг навбатдан ташқари сессияси бўлиб ўтган. Унда ташкилий масала кўрилган.
Сессияда депутатлар Юсупов Беҳзоджон Фарҳодовични Қарши тумани ҳокими лавозимига тасдиқлашган.
Мазкур тайинловгача Б.Юсупов Республика Пиллачилик ва қоракўлчиликни ривожлантириш қўмитаси раисининг биринчи ўринбосари лавозимида ишлаб келган.
Эслатиб ўтамиз, бундан бир неча куни олдин Қарши туманининг собиқ ҳокими Мақсуда Мустафоева ишдан бўшатилганди.
