Фото: ТАСС
Telegram асосчиси Павел Дуров Украинада содир бўлаётган воқеалар туфайли мессенжер Европада юқори босим сабаб қийналиб ишлаётганини маълум қилди.
«Бугунги бўлаётган воқеалар сабаб Telegram'нинг Европа кластери катта босимга учрамоқда. Шу сабаб баъзи фойдаланувчилар Telegram фаолиятида секинлашни сезишлари мумкин.
Бугун инсонлар яқинлари билан хавфсиз хабар алмашиш имконини берадиган сервисга ҳар қачонгидан кўра муҳтож экани кўринди. Хабарлар тез етиб бориши учун қўлимиздан келган барча ишни қиламиз», деб ёзди Дуров Telegram-каналида.
Россия Украинага бостириб кирганидан кейин жанг майдонидан расм ва видеолар асосан Telegram мессенжери орқали тарқалмоқда. ОАВ ҳам асосан Telegram орқали тезкор ахборотларни узатмоқда.
