Март ойида инфляция 1,5 фоизгача тезлашди

Март ойида истеъмол секторидаги товарлар ва хизматлар ўртача 1,5 фоизга қимматлашди. Бу ҳақда Давлат статистика қўмитаси хабар бермоқда.

Қўмита маълумотларига кўра, 2022 йилнинг март ойида истеъмол секторидаги товарлар ва хизматлар ўртача 1,5 фоизга қимматлашди.

Қайд этилишича, йиллик ўсишда истеъмол нархлари индексининг ўсиш даражаси 10,5 фоизга етди.

2022 йилнинг март ойида нархлар ва тарифлар ўсишида етакчи ўринларни озиқ-овқат маҳсулотлари эгаллаб, ой давомида уларнинг нархлари ўртача 2,5 фоизга ошди.

Маълум қилинишича, шу даврда ноозиқ-овқат товарлари 1,1 фоиз ва аҳолига пулли хизматлар 0,4 фоизга ошди.

Бундан олдин февраль ойида товарлар ва хизматлар ўртача 0,5 фоизга қимматлашганди.

Февраль ойида йиллик ўсишда истеъмол нархлари индексининг ўсиш даражаси 9,7 фоизга етган.