Россия ва Беларусдан кўмир ва кокс импорт қилиш ҳамда уларни Полша ҳудуди орқали транзит қилиш тақиқланади.
Фото: ТАСС
Полша Россиядан кўмир етказилишига эмбарго жорий этди. 14 апрел куни мамлакат президенти Анжей Дуда бу ҳақдаги тегишли қонунни имзолади.
Қонунга мувофиқ, Россия ва Беларусдан кўмир ва кокс импорт қилиш ҳамда уларни Полша ҳудуди орқали транзит қилиш тақиқланади.
Шунингдек, Россиянинг Украинага бостириб киришини қўллаб-қувватлаган юридик ва жисмоний шахсларнинг мулклари музлатилиши кўзда тутилмоқда. Санкцияларни бузган шахсларга 20 млн злотий (4,3 млн евро) миқдорида жарима солинади.
Анжей Дуда имзолаган қонун билан Россиянинг Украинага ҳужуми рамзларидан фойдаланиш ҳам тақиқланган.
