АҚШ Абрамовичга қарши санкциялар киритиши мумкин
Оқ уй маслаҳатчиларининг фикрича, Роман Абрамовичнинг Россия ва Украина ўртасидаги музокараларда қатнашиши сезиларли натижа бермаган.
Оқ уй катта маслаҳатчилари миллиардер Роман Абрамовичга қарши санкциялар киритишга чақириб, Оқ уй раҳбариятига босимни кучайтирди, деб хабар берди Bloomberg агентлиги ўз манбаларига таяниб.
Маслаҳатчиларнинг фикрича, Абрамовичнинг Россия ва Украина ўртасидаги музокараларда қатнашиши сезиларли натижа бермаган.
Россиянинг Украинадаги «махсус операцияси» бошланган куни Абрамович воситачи орқали Зеленскийдан низони тўхтатиш учун музокараларда қатнашиш таклифини олган, деган манбалар. Бунинг эвазига миллиардер Украина президентидан Ғарб раҳбарларини ўзига қарши санкция киритмасликка кўндиришни сўраган.
Маъмурият аъзоларининг норозилигига қарамасдан, АҚШ президенти Жо Байден Зеленскийнинг Абрамовичга қарши санкция киритмаслик тўғрисидаги илтимосини бажарган, деб ёзади агентлик.
Украина президенти Буюк Британия бош вазири Борис Жонсонга ҳам ана шундай илтимос билан чиққан. Аммо 10 март куни россиялик миллиардер Британия санкциялар рўйхатига киритилди. Натижада Абрамовичга алоқадор 7 млрд долларлик активлар музлатилди. 15 март куни Евроиттифоқ ҳам Абрамовичга қарши санкция киритди.
Мавзуга оид
22:28 / 19.09.2024
АҚШ Ҳарбий-денгиз кучлари Хитой билан урушга тайёргарлик режасини эълон қилди
21:59 / 19.09.2024
Эронлик хакерлар Байден штабига Трамп ҳақида маълумотлар юборани маълум бўлди
13:20 / 19.09.2024
Санкциялар четлаб ўтилиши: АҚШ Хитойдан уран импортини текширяпти
12:00 / 19.09.2024