Еврокомиссия раҳбари Урсула фон дер Ляйен ЕИ Россия хом нефтидан олти ой ичида воз кечиш ва 2022 йил охирига бориб нефт маҳсулотлари импортини тақиқлашни режалаштирганини айтганди.
ЕИ тўққиз ой ичида Россия нефтига тўлиқ эмбарго жорий қилишни режалаштирмоқда. Бу ҳақда иқтисодиёт масалалари бўйича еврокомиссар Паоло Жентилони маълум қилди.
«Таклифимиз —турли нефт маҳсулотларига тўққиз ой давомида эмбарго жорий этиш. Агар буни қисқароқ муддатларда амалга оширсак, халқаро нефт нархи учун оқибатлар келиб чиқиши мумкин, бу эса мақсадларимизга зид бўлади», — деди у.
Аввалроқ Еврокомиссия раҳбари Урсула фон дер Ляйен ЕИ Россия хом нефтидан олти ой ичида воз кечиш ва 2022 йил охирига бориб нефт маҳсулотлари импортини тақиқлашни режалаштирганини айтганди.
ЕИнинг бу таклифини Венгрия, Чехия, Словакия ва Греция қўллаб-қувватламади. Венгрия бош вазири Виктор Орбан Россия энергетикасидан воз кечиш учун мамлакатга беш йил керак бўлишини айтди.