Қўшимча функционаллар
-
Тунги кўриниш
Байденнинг маслаҳатчилари махфий равишда Саудия Арабистонига борди – ОАВ
Март ойида Оқ уйнинг Байден ва Саудия Арабистони ҳамда Бирлашган Араб Амирликлари етакчилари ўртасида телефон орқали музокаралар ташкил этишга уриниши муваффақиятсиз якунланганди.
Фото: Anadolu Agency/Getty Images
АҚШ президенти Жо Байденнинг икки маслаҳатчиси қатор масалаларни муҳокама қилиш учун махфий равишда Саудия Арабистонига ташриф буюрди, деб хабар берди Axios ўз манбаларига таяниб.
Уларнинг сўзларига кўра, Яқин Шарқ ва Шимолий Африка бўйича координатор Бретт Макгерк ва давлат департаментининг глобал энергетика хавфсизлик масалалари бўйича катта маслаҳатчиси Амос Хохштейн 24 май куни Ар-Риёдга келган.
Нашрнинг ёзишича, АҚШ Саудия Арабистони, Исроил ва Миср ўртасидаги музокараларда воситачилик қилмоқда. Гап Қизил денгиздаги Тиран ва Санафир оролларини Исроилнинг розилиги билан Мисрдан Саудия Арабистони суверенитетига ўтиши тўғрисида бормоқда.
Вашингтон шунингдек, Саудия Арабистонидан нефт қазиб олишни кўпайтиришни сўрайди.
Қайд этилишича, Байден июнда Яқин Шарққа сафари доирасида Саудия Арабистонига ташриф буюриш имкониятини кўриб чиқмоқда.
The Wall Street Journal нашрининг маълумот беришича, март ойида Оқ уй Байден ва Саудия Арабистони ҳамда Бирлашган Араб Амирликлари етакчилари ўртасида телефон орқали музокаралар ташкил этишга уринган. Саудия Арабистони валиаҳд шаҳзодаси Муҳаммад бин Салмон ва БАА шайхи Муҳаммад бин Зоид Ол Наҳаён Байден билан мулоқот қилишни истамаган.
Мавзуга оид
22:30 / 15.11.2024
Трамп жамоаси билан Украинадаги уруш тезроқ тугайди — Зеленский
19:22 / 15.11.2024
Америкалик ҳарбий хизматчилар орасида ўз жонига қасд қилиш ҳолатлари ортди
21:21 / 14.11.2024
АҚШ долларининг мустаҳкамланиши глобал муаммога айланади — The Economist
16:56 / 14.11.2024