Ўзбекистонга электромобиллар импорти 5,2 бараварга ошди

Қўмита хабарига кўра, 2022 йилнинг январь-апрель ойларида Ўзбекистон 10 та хорижий давлатдан қиймати 21,8 млн АҚШ долларига тенг бўлган 734 та электромобиль импорт қилган.

Қайд этилишича, электромобиль импорти 2021 йилнинг мос даврига нисбатан 594 тага ёки 5,2 баробарга ошган.

2022 йилнинг дастлабки 4 ойида Ўзбекистон асосан Хитойдан электромобилларни импорт қилган – 654 та.

Ушбу кўрсаткич қолган давлатлар кесимида қуйидагича кўриниш олди:

• БАА – 40 та;
• Германия – 17 та;
• Ҳонгконг – 10 та;
• Литва – 6 та;
• Эстония – 2 та;
• Корея – 2 та.

Бундан олдин енгил автомобиллар ишлаб чиқариш ҳажми 30 мингтага ошгани хабар қилинганди.