Ўзбекистон Афғонистонга инсонпарварлик ёрдами юборди

Ўзбекистон президенти Шавкат Мирзиёев топшириғига биноан Афғонистонга навбатдаги инсонпарварлик ёрдами юборилди.

Фото: KUN.UZ

Kun.uz мухбирининг воқеа жойидан хабар беришича, бу қўшни Афғонистонда рўй берган зилзила оқибатида жабр кўрганларга ёрдам кўрсатиш мақсадида амалга оширилди.

Қайд этилишича, озиқ-овқат маҳсулотлари, бирламчи зарур предметлар ва медикаментлардан иборат жами 74 тонна юк ортилган самолёт Афғонистонга жўнаб кетди.

Бундан олдин 2021 йил ноябридан бери Термиз орқали Афғонистонга 42 минг тоннага яқин озиқ-овқат маҳсулотлари етказилгани хабар қилинганди.