7 август куни Одесса портларидан украин ғалласи ортилган яна тўртта кема чиқди. Украинага Россия босқини бошланганидан буён илк бор хорижий давлат байроғи остидаги кема келди — у Украинадан ғалла олиб кетади. Беларус телевидениеси Россияда Coca-Cola ўрнини беларусларнинг «Бела-кола»си эгаллашини маълум қилди. Энегродарнинг Россия томонидан тайинланган ҳукумати Украинани Запорижжя АЭСни ўққа тутишда айблади. Украинларнинг «Энергоатом» давлат компанияси эса, ўз навбатида ҳужумда россиялик ҳарбийларни айблаб, станция ходимларидан бири яраланганини маълум қилган. Халқаро Amnesty International Украина қуролли кучлари тинч аҳоли вакиллари ҳаётини хавф остига қўйиб, мактаб ва шифохоналарда жойлашаётгани ҳақидаги ҳисоботи украинларга «оғриқ» етказгани учун узр сўради, аммо ўз ҳисоботидан тонмади. Донецк областида россияликларнинг зарбалари оқибатида сўнгги бир кунда тўрт киши ҳалок бўлди.
Қуйида урушнинг 165-кунида Украинанинг турли ҳудудларида олинган суратлар.
Харкив области
Украиналик ҳарбий танк ичида, Харкив области. Харкив доимий равишда зарбаларга учрамоқда, 7 август куни шаҳар мэри Игор Терехов «шаҳарда баланд овозлар эшитилаётгани»ни айтиб, одамлардан панага ўтишни сўради.
Nacho Doce / Reuters / Scanpix / LETAХаркив атрофидаги позицияда овқат тайёрлаётган украин ҳарбийлари.
Nacho Doce / Reuters / Scanpix / LETA
Донбасс шимоли
Донецк областининг Словянск шаҳри аҳолиси вакиллари ичимлик суви ғамламоқда. Россия қўшини Словянск йўналишида илгарилашга уринмоқда, аммо, Украина бош штаби хабар беришича, бу ҳужумлар қайтарилмоқда.
Alkis Konstantinidis / Reuters / Scanpix / LETAҚутқарувчилар Донецк области Бахмут шаҳри яқинидаги Опитное қишлоғида яраланган аёлга ёрдам кўрсатишмоқда. Украина бош прокурори офисига кўра, 7 август куни Донецк области шаҳарларига берилган зарбалар оқибатида тўрт киши ҳалок бўлиб, олти киши яраланган.
Diego Herrera Carcedo / Anadolu Agency / ABACAPRESS / ddp images / Vida PressБахмутликлар россиялик ҳарбийлар зарбасидан кейин қутқарилган кучук боласини бир-бирига узатмоқда.
Diego Herrera Carcedo / Anadolu Agency / ABACAPRESS / ddp images / Vida PressЎт ўчирувчилар Бахмутда ҳужумга учраган уйда ишламоқда.
Diego Herrera Carcedo / Anadolu Agency / ABACAPRESS / ddp images / Vida PressУкраина фавқулодда вазиятлар бўйича давлат хизмати ходими Бахмутда ҳалок бўлган тинч аҳоли вакили ёнидан кетмоқда.
Diego Herrera Carcedo / Anadolu Agency / ABACAPRESS / ddp images / Vida PressДонецк устида кун ботиши ва тутун
Alexander Ermochenko / Reuters / Scanpix / LETA
Киев
Украина президенти америкалик актриса Жессика Честейн (Interstellar, Molly's Game, Scenes from a Marriage) билан учрашди. Зеленский ижтимоий тармоқлардаги саҳифаларида шундай ёзди: «Жессика Честейн бугун Украинада. Биз учун бундай таниқли инсонлар ташрифи жуда қадрли. Шунинг эвазига дунё мамлакатимизда содир бўлаётган ҳақиқий ҳолат ҳақида кўпроқ эшитишади, билишади ва тушунишади. Қўллаб-қувватлов учун раҳмат!». Фото: Украина президенти офисиКиев Миллий операси солисти чиқишга тайёрланмоқда, саҳнада — Жузеппе Вердининг «Риголетто»си. Киев операси май ойида фаолиятини тиклаган, аммо комендантлик соати туфайли спектакллар кундуз куни ўтказилмоқда.
Roman Pilipey / EPA / Scanpix / LETAОркестр артисти чиқишга тайёрланмоқда. Киев операси артистлар учун вакансия эълон қилган: Киевдан эвакуация бўлган мусиқачиларнинг ўрнини тўлдиришга зарурат бор.
Roman Pilipey / EPA / Scanpix / LETAОпера артисти саҳнага чиқиш арафасида.
Roman Pilipey / EPA / Scanpix / LETAОркестр мусиқачилари антракт вақтида.
Roman Pilipey / EPA / Scanpix / LETA
