Бишкекдаги отишмада икки нафар ўзбекистонлик иштирок этди

7 август куни Бишкекнинг Карманский кўчасида отишма содир бўлди, натижада бир киши ўқдан тан жароҳати олди.

Фото: Akipress

Akipress хабарига кўра, Бишкек шаҳар ИИББ жиноят қидирув бошқармаси Қирғизистон Жиноят кодексининг 37-122-моддаси (қотилликка суиқасд) бўйича жиноят содир этишда гумонланувчиларни қидирмоқда.

Гумонланувчилар орасида:

Степанов Николай Николаевич (1999 йилда туғилган), Бишкек шаҳридан;
Степанов Лев Викторович (1994 йилда туғилган), ўзбекистонлик;
Қаландаров Геннадий Геннадиевич (1993 йилда туғилган), ўзбекистонлик.

Отишма ҳақида 8 август куни маълум бўлди.

Дастлабки маълумотларга кўра, ҳодиса Қирғизистон пойтахти ғарбида содир бўлган. Range Rover машинасини бошқараётган эркак номаълум қуролдан ўқ узган ва кейин қочиб кетган.