Ўзбекистонга импорт шоколад асосан Россиядан олиб келинмоқда

2022 йил 7 ойида Ўзбекистон 41 та хорижий давлатдан 24,2 минг тонна какао ва шоколад импорт қилган.

Давлат статистика қўмитаси маълумотларига кўра, какао ва шоколад импорти ҳажми ўтган йил мос даври билан солиштирилганда 1,5 минг тоннага ошган. 

7 ойда Ўзбекистон энг кўп какао ва шоколад импорт қилган давлатлар орасида Россия етакчилик қилмоқда – 17,4 минг тонна.

Ушбу кўрсаткич қолган давлатлар кесимида қуйидагича кўриниш олди:

• Туркия – 1,3 минг тонна;
• Украина – 991 тонна;
• Қозоғистон – 886 тонна;
• Нидерландия – 702 тонна;
• Полша – 474 тонна;
• Хитой – 458 тонна;
• Беларус – 187 тонна;
• Германия – 181 тонна;
• Италия – 101 тонна;
• Испания – 84 тонна.