Швеция қурол экспортини назорат қилиш давлат агентлиги 2019 йил октябрда Туркияга қурол сотилишини тақиқлаб қўйганди.
Швеция қурол экспортини назорат қилиш давлат агентлиги (ISP) Туркияга қурол экспорт қилишга қўйилган эмбаргони бекор қилди. Бу ҳақда “Онадўлу” агентлиги хабар берди.
ISP баёнотида айтилишича, Швециянинг НАТОга аъзо бўлиш учун берган аризасига нисбатан Анқаранинг позицияси сабабли Туркияга қурол экспорт қилишга рухсат берилган.
ISP раҳбари Карл Эвертссон 29 май куни Швециянинг НАТОга аъзо бўлиш учун берган аризаси бўйича Туркия билан музокара олиб борилаётганини айтганди.
Эвертссон жумладан, «Туркия ҳозирда бизнинг қуролимизга муҳтож эмас. Биз ҳар бир алоҳида ҳолат бўйича Туркияга қурол сотишни кўриб чиқишимиз мумкин» деганди.
Швециянинг танкка қарши АТ-4 қуроли қандай қилиб курд жангарилари қўлига тушиб қолгани тўғрисидаги саволга Эвертссон шундай жавоб қайтарганди: «Биз бу маҳсулотни экспорт қилмаймиз. Бу қурол АҚШ лицензияси бўйича ишлаб чиқарилади ва уларни розиликсиз учинчи мамлакатларга жўнатиш мумкин эмас».
ISP 2019 йил октябрда Туркияга қурол сотилишини тақиқлаб қўйганди.
