Ўзбекистонлик олимлар ва АҚШ тадқиқотчилари касалликка чидамли навларни аниқлаб, уларни чатиштириш орқали вилтга чидамли пахта навини яратишга эришди.
АҚШ Қишлоқ хўжалиги вазирлигининг генетик-тадқиқотчиси Маурисио Уллоа хабарига кўра, мазкур тадқиқотларда Ўзбекистон ФА Геномика ва биоинформатика маркази олимлари иштирок этмоқда, тадқиқотлар Америка ўсимликшунослик жамиятининг Journal of Plant Registrations илмий нашрида чоп этилган.
Тадқиқотчилар Ўзбекистонда ва АҚШда етиштириладиган замбуруғларга чидамли навларни чатиштириш орқали пахта янги линиялар гермплазмасини яратди. Гермплазма яна генетик ресурс деб ҳам аталади, у селекционерларга қишлоқ хўжалик экинлари навларини кенгайтиришга ёрдам беради.
Учта янги линия – PSSJ-FRP01, PSSJ-FRP02 и PSSJ-FRP03 – вилт касаллигига чидамлилигини намоён этди. Уларнинг ҳар бири турли характеристикаларга эга бўлишига қарамай, касалликка чидамлилиги ва тола сифатининг яхшилиги билан ажралиб туради.
Вилт замбуруғи одатда ўсимликнинг илдизига зарар етказиб, пояси ва баргларини қуритади, ҳосилни нобуд қилади.
Мазкур янги линиялар генетик ресурс бўлиб, олимлар улардан янги нав олиш устида ҳам ишламоқда. Геномика ва биоинформатика маркази олимлари ҳозирда мазкур линиялардан олинган янги навни синовдан ўтказмоқда.
