Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 16:03 / 21.11.2022
    29329
    6 дақиқада ўқилади

    Украинанинг вайрон бўлган шаҳар ва қишлоқларига қиш келди. Уруш суратлари

    Россия ва Украина бир-бирини Запорижжя АЭСни ўққа тутишда айблашда давом этмоқда. Халқаро атом энергетикаси агентлиги раҳбари зудлик билан отишмани тўхтатишга чақирди. Украина ҳукумати украин ҳарбий хизматчилари россиялик ҳарбий асирларни қатл қилгани айтилган видео юзасидан текширув ўтказилишини ваъда қилди. Украина армияси Харкив, Донецк ва Херсон областларида озод этган қишлоқларда ўлдирилган 700 дан ортиқ украинларнинг жасадлари аниқланди. Уларнинг аксари — тинч аҳоли вакиллари. The Washington Post хабарига кўра, Москва ва Теҳрон Россия ҳудудида Эрон дронларини ишлаб чиқаришни йўлга қўйиш бўйича махфий келишув тузган. Телеграм-каналларда Белгород областидаги ҳарбий қисмда икки россиялик ҳарбий хизматчи барчанинг кўз ўнгида қўлга олиниши акс этган видео тарқалди. Улар олдинги чизиққа қайтиш тўғрисидаги буйруқни бажаришдан бош тортишда айбланмоқда.

    Қуйида 20 ноябр, урушнинг 270-кунида Украинанинг турли ҳудудларида олинган суратлар.

    Киев атрофида қор остида қолган қишлоқ вайроналари

    «Антонов» аэропорти жойлашган Гостомел посёлкаси яқинидаги Мошчун қишлоғи. Урушнинг илк кунларида Россия қўмондонлиги бу ҳудудни вертолёт десанти ва самолётларни қўллаган ҳолда эгаллаб олишни мақсад қилганди. Мошчун қишлоғи Гостомел ва Киев ўртасида жойлашган — бу россияликлар учун стратегик аҳамиятга эга нуқта эди.
    Metin Aktas / Anadolu Agency / ABACAPRESS / ddp ​images / Vida Press
    Мошчун қишлоғидаги квартиралардан биридаги интерьер. Ойна отишма вақти деразалар синиб тушмаслиги учун адёллар билан мустаҳкамланган. 24 феврал куни Россия қўшини Гостомелдаги аэропортни ва унинг яқинидаги Мошчун қишлоғини эгаллашга уринганди, аммо  Украина қуролли кучлари ҳужумларни қайтарди. 25 феврал куни РФ армияси барибир аэропортни эгаллаб олди, аммо Украина қўшини чекиниш чоғида учиш-қўниш полосасини яроқсиз ҳолатга келтирди ва россияликлар аэропортдан фойдалана олмади.
    Metin Aktas / Anadolu Agency / ABACAPRESS / ddp ​images / Vida Press
    Мошчундаги маъмурий бинода ташлаб кетилган кийимлар. 27 феврал куни россиялик ҳарбийлар «Антонов» аэропортида уникал самолёт - Ан-225 «Мрия»ни яксон қилганди. Март ойи охирида россияликлар Киев областидан чекина бошлади ва Гостомелдаги аэродромни тўлиқ эгаллашга уринишларни тўхтатди. Мошчун қишлоғи бу ҳудудда олиб борилган шиддатли жанглар туфайли деярли буткул яксон бўлган.
    Metin Aktas / Anadolu Agency / ABACAPRESS / ddp ​images / Vida Press
    Мошчунда яксон этилган автомобил. Октябр ойида маҳаллий нашрлар қишлоқда ҳамон электр ва ичимлик суви таъминоти йўқлигини хабар қилишган, қишлоқда қолган аҳоли эса вайронага айланган уйларда яшашга мажбур бўлмоқда.
    Metin Aktas / Anadolu Agency / ABACAPRESS / ddp ​images / Vida Press

    Херсон областининг озод этилган қисмидаги ҳаёт

    11 ноябр куни озод этилган Херсонда яшовчи аёл ичимлик суви тўлдирилган идишлар билан. Шаҳарда ҳамон электр ва сув таъминоти бўйича муаммолар сақланиб қолмоқда, шу туфайли херсонликлар тўлиқ гуманитар ёрдамга қарам бўлиб қолган.
    Bulent Kilic / AFP / Scanpix / LETA
    Днепрда қайиқда ов қилаётган балиқчи, дарё ортида қуюқ қора тутун кўтарилган. Россия ҳарбийлари Херсон областининг озод этилган ҳудудларига зарба беришда давом этмоқда.
    Bulent Kilic / AFP / Scanpix / LETA
    Херсонлик аёл шаҳар кўчаларидан бирида
    Bulent Kilic / AFP / Scanpix / LETA
    Херсондан 10 километр масофадаги Белозерка қишлоғи аҳолиси вакили. 19 ноябр куни, Украина томони баёнотига кўра, россиялик ҳарбийлар Белозеркадаги гуманитар ёрдам тарқатиш нуқтасини ўққа тутган, жабрланганлар ҳақида маълумот берилмаган.
    Bulent Kilic / AFP / Scanpix / LETA

    Донбасс шимолидаги украин жангчилари 

    Украин ҳарбийлари Донецк областидаги фронт чизиғида жойлашган бино ертўласида. 20 ноябр куни Володимир Зеленский навбатдаги кечки видеомурожаатида Донбассда «қақшатқич жанглар давом этаётгани»ни қайд этди. Миллий полицияга кўра, Россия қўшини Донецк областидаги ўнлаб аҳоли яшаш манзиллари бўйлаб зарбалар берган, яраланганлар орасида — ёш бола ҳам бор.
    Diego Herrera Carcedo / Anadolu Agency / ABACAPRESS / ddp ​images / Vida Press
    Украина қуролли кучлари жангчилари Донецк областидаги фронт чизиғида вайрон бўлган бинода.
    Diego Herrera Carcedo / Anadolu Agency / ABACAPRESS / ddp ​images / Vida Press
    Соледардаги зарбага учраган турар жойлар кварталидаги кўриниш — Краматорскдан 60 километр жануби-шарқда жойлашган бу шаҳар Украина армияси назоратида қолмоқда. Краматорск сўнгги бор 19 ноябр куни россиялик ҳарбийлар зарбасига учраган: хусусий сектор шикастланган, қурбонлар ҳақида маълумот йўқ.
    Diego Herrera Carcedo / Anadolu Agency / ABACAPRESS / ddp ​images / Vida Press
    Украин аскарлари Донецк областидаги олдинги чизиқда миномётдан ўт очишмоқда
    Diego Herrera Carcedo / Anadolu Agency / ABACAPRESS / ddp ​images / Vida Press
    Украина артиллериясидан ўт очилиши
    Libkos / AP / Scanpix / LETA
    Бахмут яқинидаги позицияда ёмғир остида турган украин ҳарбийси — бу россияликлар ҳужуми давом этаётган энг қайноқ нуқталардан бири. Украина қуролли кучларига кўра, бу ерда жанглар кеча-ю кундуз давом этмоқда.
    Libkos / AP / Scanpix / LETA

    Киевдаги блэкаут 

    Киевдаги кўп квартирали уйлардан бирининг деразасидаги чироқ ёруғи. Пойтахтда электр энергиясини режали ўчириш жараёни давом этмоқда, ҳукумат россиялик ҳарбийлар октябр ойидан Украина энергия тизимига ёппасига зарба беришни бошлагач, шундай чора кўришга мажбур бўлган. Электр ўчирилган вақтда мутахассислар зарбалардан шикастланган энергия тизимида таъмирлаш ишлари олиб боришади.
    Valentyn Ogirenko / Reuters / Scanpix / LETA
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    13:26 / 19.09.2024

    «Бу иш бермайди» — Олаф Шолц Украинада тинчликка эришиш йўллари ҳақида баёнот берди

    11:40 / 19.09.2024

    Германия Украина ҳарбийларининг даволаниши учун яна 50 млн евро ажратади

    20:06 / 18.09.2024

    Дронлар Твер областига ҳужум қилди. У ерда ракета арсенали жойлашган

    12:40 / 18.09.2024

    Германия Украинага қишки ёрдам учун 100 млн евро ажратади