Қуддус шаҳрида шахмат бўйича миллий жамоалар ўртасида ФИДЕ жаҳон чемпионати давом этмоқда.
Фото: Ўзбекистон шахмат федерацияси
Ўзбекистон шахматчилари гуруҳ босқичининг сўнгги турида Польша миллий жамоаси билан 2-2 ҳисобида дурангни қайд этишди. Бу натижа шахматчиларимизга B гуруҳида 1-ўрин билан чоракфиналга чиқиш имконини берди.
Аввалроқ, ўзбекистонликлар гуруҳда АҚШ (2,5-1.5), Исроил (2,5-1,5) ва Ҳиндистонни (3,5-0,5) мағлуб этиб, Озарбойжонга (1,5-2,5) ютқазишган эди.
Чоракфиналда Ўзбекистон миллий жамоаси Украина билан беллашади. Ўйинлар 23 ноябр куни ўтказилади.
Жаҳон чемпионатида Ўзбекистон миллий жамоаси шарафини GM Нодирбек Ёқуббоев, GM Жавоҳир Синдаров, GM Жаҳонгир Воҳидов, GM Шамсиддин Воҳидов, IM Абдималик Абдисалимов ва IM Ортиқ Нигматов ҳимоя қилмоқда. Шахматчиларимизга нидерландиялик Иван Соколов сардорлик ва мураббийлик қиляпти.
