Қўшимча функционаллар
-
Тунги кўриниш
Запорижжя АЭС ўққа тутилиши сабабли радиоактив бўлмаган моддалар сизиб чиқди
Фото: Picture Alliance
Атом энергияси бўйича халқаро агентлик (МАГАТЭ) Украинадаги Запорижжя атом электр станцияси (ЗАЭС) ўққа тутилиши туфайли радиоактив бўлмаган моддалар сизиб чиққанини маълум қилди.
21 ноябр куни МАГАТЭ мутахассислари электр станциясига етказилган зарарни ўрганиб, унинг «сезиларли» эканини аниқлашди.
Ташкилот баёнотига кўра, станцияда конденсат сақланадиган резервуарлар шикастланган, оқибатда радиоактив бўлмаган моддалар сизиб чиққан.
Станциянинг ўққа тутилиши оқибатида ишлатилган ёқилғи ва радиоактив чиқиндилар зарар кўрмаган, улар махсус контейнерларда сақланмоқда.
Бир кун олдин МАГАТЭ бош директори Рафаэл Гросси томонларни ЗАЭС ҳудудини ўққа тутишни зудлик билан тўхтатишга чақирган эди. Унинг сўзларига кўра, станция ҳудудидаги портлашларни «умуман қабул қилиб бўлмайди». Унинг сўзларига кўра, ядровий хавфсизлик учун муҳим бўлган ЗАЭС инфратузилмасига ҳозирча ҳеч қандай зарар етказилмаган.
Қайд этиш жоизки, уруш бошланганидан бери Запорижжя АЭС ҳудуди мунтазам равишда ўққа тутилмоқда. Россия ва Украина бунда бир-бирини айблаб келмоқда.
Россия-Украина уруши
Мавзуга оид
01:02
«Мен Украинани қутқаряпман» — Трамп
17:19 / 29.04.2025
Reuters: Разведка Трампга Курск областидаги украиналик ҳарбийлар қуршовда эмаслигини маълум қилган
15:27 / 29.04.2025
Исроилга қарши суд эшитуви, Ҳиндистон ҳужумини кутаётган Покистон ва Украинада 9 май оташкесими — кун дайжести
11:48 / 29.04.2025