Қўшимча функционаллар
-
Тунги кўриниш
Рекламада дорини "ноёб", "энг самарали", "энг хавфсиз" деб тақдим этиш тақиқланади
АОКАда ўтказилган брифингда Истеъмолчилар ҳуқуқларини ҳимоя қилиш агентлиги ахборот хизмати раҳбари Моҳрухсор Тоғаева нотўғри рекламалар олдини олиш бўйича амалга оширилган ишлар юзасидан маълумот берди.
Жорий йил 9 сентябрь куни янги таҳрирдаги “Реклама тўғрисида”ги қонун кучга кирди. Қонунга бир қатор янги тушунчалар, нормалар белгиланган ва рекламага қўйилган талаблар кучайтирилди.
Қонунда дори воситалари ва биологик фаол қўшимчалар рекламасида таниқли шахслар, тиббиёт ходимлари иштирокидан фойдаланиш ман этилади. Дори воситасини ноёб, энг самарали, энг хавфсиз деб тақдим этиш мумкин эмас.
Қайд этилишича, биологик фаол қўшимчалар рекламасида 647 та ҳолатда камчиликлар аниқланиб, ўз жойида бартараф этилган.
162 та ҳолатда қонунчиликда тақиқланган тотализатор ва букмейкерлик рекламаси аниқланган ва улар барчаси бартараф этилган.
50 дан ортиқ тотализатор ва букмейкерлик рекламасини ноқонуний равишда юритувчи сайтларга кириш мутасадди идоралар орқали чеклаб қўйилди.
Мавзуга оид
11:35 / 10.06.2026
Қарийб 900 млн сўмлик сифатсиз ва ҳужжатсиз дорилар аниқланди
16:55 / 09.06.2026
Бизнес-омбудсман Тошкентдаги рекламаларни бузишда қонуний йўл тутишга чақирди
08:15 / 04.06.2026
2030-йилларда янги тиш ўстирувчи дори бозорга чиқиши мумкин
17:11 / 19.05.2026