Қўшимча функционаллар
-
Тунги кўриниш
ИИВ Тошкент шаҳар ИИББ ЙҲХБ сайти ҳакерлар ҳужумига учраганини рад этди
Интернетда ҳакерлар Тошкент шаҳар ИИББ ЙҲХБ сайти маълумотлар базасига бузиб кириб, йўл ҳаракати қоидаларини бузган ҳайдовчиларга нисбатан қўлланган мингдан ортиқ жарималарни ўчириб юборишгани ҳақида хабар тарқалди. ИИВ бу маълумот ҳақиқатга мос келмаслигини билдирди.
Фото: Getty Images
Телеграм-каналларида тарқалган хабарларда ҳакерлар жамоаси Тошкент шаҳар ИИББ ЙҲХБ сайтига ҳужум уюштириб, маълумотлар базасидаги жарималарга оид 60 мингта маълумотдан 27 мингтасини қўлга киритишгани, шундан мингдан ортиқ жарималар ўчириб юборилгани ҳақида сўз боради.
Хабарларга ҳайдовчиларнинг исм-шарифи, туғилган саналари, қандай автомобилда йўл ҳаракати қоидасини бузгани, қоидабузарлик тури, бунинг учун қўлланилган жарима миқдори, расмийлаштирилган баённома санаси ва бошқа маълумотлар акс этган скриншотлар илова қилинган.
Ички ишлар вазирининг матбуот котиби Шоҳрух Ғиёсов ижтимоий тармоқларда тарқалган маълумот ҳақиқатга мос келмаслигини билдирди.
“Ҳозирги кунда Тошкент шаҳар ИИББ ЙҲХБ сайти мавжуд эмас. 2018 йилда ИИББ ЙҲХБ сайтини юритиш учун тест режимида платформа ишлаб чиқилган, лекин ўрнатилган талабларга, шу жумладан хавфсизлик нормаларига жавоб бермаганлиги учун сайт фаолияти тўхтатилган.
Ички ишлар вазирлигининг барча расмий ресурсларининг хавфсизлиги тўлиқ таъминланган. Ижтимоий тармоқ фаолларидан асосланмаган хабарларни тарқатмасликларини сўраймиз”, дейилади Ғиёсовнинг телеграм-каналида эълон қилинган баёнотда.
2021 йил ноябрда ҳам Давлат йўл ҳаракати хавфсизлиги хизматининг жарималар электрон базаси киберҳужумга учрагани ҳақида аудиоёзув тарқалганди. ЙҲХББ буни рад этиб, иккита база интеграция қилинаётгани сабабли “айрим носозликлар” рўй бераётганини билдирганди.
Шу йили 5 июль куни ҳам соат 14:05 дан 6 июль соат 12:30 гача Йўл ҳаракати хавфсизлиги бошқармалари тасарруфидаги электрон тизимлар ишламай қолган, қарийб бир кунлик танаффусдан сўнг ЙҲХБ базаси фаолияти тикланганди.
Тавсия этамиз
Ўзбекистон Mobiuz компаниясини халқаро сотувга қўйди
Ўзбекистон | 23:10 / 09.06.2025
Тошкентда илк BRT тизими: у қандай кўринишда бўлади?
Ўзбекистон | 20:17 / 07.06.2025
Бир нечта ташкилотлар Enter Engineering компаниясини судга берди
Ўзбекистон | 17:39 / 07.06.2025
Хатолар улғайтирган жамоа. Ўзбекистоннинг мундиал сари узоқ йўли ҳақида
Спорт | 15:27 / 07.06.2025
Сўнгги янгиликлар
-
Трамп Украина ва Россия ўртасидаги музокаралар бўйича янги баёнот берди
Жаҳон | 23:40
-
Глобал қочқинлар сони 2011 йилдан бери биринчи марта камайди – БМТ
Жаҳон | 23:02
-
Флорида губернатори намойишчиларни автомобилда уриб юбориш мумкинлигини айтди
Жаҳон | 23:01
-
Янги Тошкентда «Петербург маҳалласи» бўлади
Ўзбекистон | 22:28
Мавзуга оид
09:57 / 04.06.2025
Ҳайдовчилар жарима баллари ҳақида онлайн хабардор бўлиши мумкин
00:59 / 14.05.2025
Имтиҳонга кеч қолган талаба авиакомпанияни судга бериб, унда ютиб чиқди
19:33 / 02.05.2025
TikTok Европада 530 млн евро жаримага тортилди
15:59 / 26.04.2025
“Наманганда автомобилларни ижарага берувчи гуруҳларнинг 90 фоиз аъзоси ўқувчилар” — вилоят ЙҲХБ бошлиғи
