Тошкентда ўзлаштирилган хорижий инвестиция ҳажми маълум қилинди

Жорий йилнинг январь-сентябрь ойлари давомида Тошкент шаҳри томонидан 9 460,3 миллиард сўмлик хорижий инвестиция ва кредитлар ўзлаштирилди.

Фото: Kun.uz

Асосий воситаларга ўзлаштирилган хорижий инвестициялар ва кредитлар доирасида тўғридан тўғри хорижий инвестициялар ҳажми 3 612,7 миллиард сўмни, Ўзбекистон томонидан кафолатланган хорижий кредитлар 1 303,3 миллиард сўмни, бошқа хорижий инвестиция ва кредитлар 4 544,3 миллиард сўмни ташкил этди.

Жорий йилнинг 1 декабрь ҳолати бўйича Ўзбекистонда хорижий капитал иштирокида 15 497 корхона фаолият кўрсатмоқда.

Фирмалар сони ўтган йилнинг шу даврига нисбатан 2 389 тага кўпайди. Уларнинг энг кўпи Россия (3 055), Туркия (2 171), Хитой (2 115), Қозоғистон (1 235) ва Корея Республикаси (919) ҳиссасига тўғри келди.