Навоийдаги 230 та мактабда 12 январдан дарс бошланади

Навоий вилояти ҳокимлигининг расмий хабарига кўра, вилоят ҳудудидаги 230 та мактабда ўқув жараёнлари эртага, 12 январь кунидан бошланади. 

“Гидрометеорология хизмати марказининг Навоий вилояти бўйича берган об-ҳаво маълумотларига таянилган ҳолда, жорий йилнинг 12 январь кунидан Навоий шаҳридаги 21 та, Кармана туманидаги 32 та, Навбаҳор туманидаги 37 та, Қизилтепа туманидаги 43 та, Нурота туманидаги 11 та, Конимех туманидаги 14 та, Хатирчи туманидаги 72 та мактабларда қишки таътилдан кейинги дарслар бошланади”, — дейилади ҳокимлик хабарида.

Вилоятнинг олис чўл, тоғ ва тоғолди ҳудудларида жойлашган 133 та мактабда эса ўқиш 16 январь кунидан давом эттирилиши белгиланган.