Ўзбекистон 2022 йилда Хитойга 1 млрд долларлик газ сотгани маълум бўлди

Хитойга қувур орқали газ етказиб берувчи мамлакатлар орасида Ўзбекистон бешинчи ўринда қайд этилган.

Фото: РИА Новости

Ўзбекистон 2022 йилда қувур орқали Хитойга 1,07 млрд долларлик газ сотган. Бу ҳақда Хитой Божхона бош бошқармасига таяниб ТАСС хабар берди.

Департамент маълумотларига кўра, Хитойга қувур орқали газ сотувчи давлатлар орасида Туркманистон биринчи ўринни эгаллаб турибди: 12 ой давомида бу мамлакатдан Хитойга етказиб берилган газ қиймати 10,25 миллиард долларни (ўсиш 51 фоиз) ташкил этган.

Иккинчи ўринда Россия (3,98 млрд доллар, ўсиш 263 фоиз), учинчи ўринда Мянма (1,43 млрд доллар, ўсиш 1,3 фоиз), тўртинчи ўринда Қозоғистон (1,08 млрд доллар, камайиш 4 фоиз) ва бешинчи ўринда Ўзбекистон (1,07 млрд доллар, ўсиш 33,9 фоиз) қайд этилган.