Бўстонлиқ тумани Чорвоқ қўрғонида газ портлаши содир бўлди. Фавқулодда вазиятлар вазирлиги ҳолат юзасидан расмий маълумот берди.
Кеча, 30 январь куни соат 08:20 ларда Тошкент вилояти Бўстонлиқ тумани Чорвоқ қўрғонидаги 2 қаватли уйнинг хонадонларидан бирида газ-ҳаво аралашмасининг портлаши содир бўлган.
Юзага келган кинетик зарба натижасида хонадон девор ва шифтига шикаст етган.
Воқеа жойига зудлик билан туман ФВ бўлими қутқарувчилари етиб борган. Портлаш оқибатида 4 нафар фуқаролар турли даражада тан жароҳати олиб, шифохонага ётқизилган.
Ҳодиса жойига вилоят ФВБ раҳбарияти, ИИБ, ССБ, прокуратура ҳамда «Ҳудудгазтаъминоти» ходимлари чиқишган.
Мазкур ҳолат юзасидан дастлабки терговолди суриштирув ишлари олиб борилмоқда.