Столтенберг: НАТО Россияга рухсат этилган чегарани кўрсатиб қўяди

НАТО Бош котиби Йенс Столтенберг Россияга рухсат этилган чегараларни бир марта ва охиригача кўрсатиб қўйишга чақирди. «Биз Россияга Европа хавфсизлигига путур етказишда давом этишига йўл қўя олмаймиз. НАТО Россиянинг агрессиясини бузиши ва тарих такрорланмаслигини таъминлаши керак», деди у 22 февраль, чоршанба куни Варшавада НАТОнинг Шарқий Европа саммитида.

Столтенберг Украинага қарши уруш бошланишидан олдин ҳам Россия 2008 йилда Грузияга ҳужум қилгани, 2014 йилда эса Украинанинг Қрим яриморолини аннексия қилиб, Донбасс сепаратистларини қўллаб-қувватлай бошлаганини эслатди.

«Биз Россиянинг кўп йиллардаги энг тажовузкор хатти-ҳаракатларига гувоҳ бўлмоқдамиз. Россиянинг Украинага қарши тажовузкорлиги бошланганидан бир йил ўтиб, Россия президенти Владимир Путин тинчликка тайёргарлик кўраётганидан дарак йўқ», - деди Столтенберг.

Ўз навбатида, Варшавада бўлиб ўтган «Бухарест тўққизлиги» саммитида иштирок этган АҚШ президенти Жо Байден альянснинг Шарқий Европа аъзоларини Россия тажовузи бўлган тақдирда қўллаб-қувватлашига ишонтирди. «НАТО Низомининг 5-моддаси Қўшма Штатлар томонидан қабул қилинган мажбуриятдир. Биз НАТО ҳудудининг том маънода ҳар бир қаричини ҳимоя қиламиз», - деб ваъда берди Байден «тўққизлик» - Болгария, Венгрия, Латвия, Литва, Полша, Руминия, Словакия, Чехия ва Эстония етакчиларига.