ID карта олмаган битирувчилар ОТМга ҳужжат топшира олмайди

ОТМга ҳужжат топширишда фақат ID карта (паспорт) ва аттестат керак бўлади. Фақатгина шу ҳужжатлардаги маълумотларни базага киритиш етарли.

Фото: ИИВ

Абитуриентларнинг олий таълим муассасаларига кириш учун тегишли ҳужжатларни онлайн топширишда битирувчиларнинг паспорт (ID карта) маълумотларини ABITUR электрон дастурига киритиш талаб этилади. Бу ҳужжатсиз ОТМга кириш учун электрон ариза топшириб бўлмайди.

Аввалроқ Мактаб ва мактабгача таълим вазирлиги мактабларни тамомлаётган 390 мингдан ортиқ ўқувчининг 16 ёшга тўлган 23 минг нафари (6 фоизи) паспорт (ID карта) олмаганлиги сабабли уларнинг маълумотлари электрон базага ҳозирча киритилмаганини, тезроқ ID карта олиш зарурлигини эслатганди.

Паспорт (ID карта) олиш учун ҳудудий ички ишлар органларининг Миграция ва фуқароликни расмийлаштириш бўлимлари ва Давлат хизматлари марказига мурожаат этиш зарур.

Тайёрлаган Отабек Матназаров

#ОТМ #ID-карта

2022/23 ўқув йили учун ихтисослашган ва президент мактаблари, коллежлар, техникумлар, бакалавриат ва магистратурага қабул ҳамда ўқишни кўчириш бўйича янгиликлар.