Фото: Dunyo
Uzbekistan Airways авиакомпанияси Миср ҳукумати томонидан мамлакатига инсонпарварлик ёрдам сифатида ажратилган С гепатитига қарши дори воситасининг олтинчи партиясини Тошкентга бепул етказиб берди, деб хабар бермоқда “Дунё”.
Мазкур акцияни Ўзбекистон Ташқи ишлар вазирлиги, мамлакатнинг Қоҳирадаги элчихонаси ва Uzbekistan Airways авиакомпанияси ташкил этди.
Умумий ҳажми 17 мингдан ортиқ дори воситалари Ўзбекистон Соғлиқни сақлаш вазирлиги ҳузуридаги Вирусология илмий-текшириш институти томонидан беморларга тақсимланади.
Миср соғлиқни сақлаш вазирлиги билан 2023-2024 йиллар давомида умумий қиймати 4,2 миллион долларлик жами 800 минг дона С гепатитига қарши дори воситаларини бепул етказиб бериш бўйича келишувларга эришилган.
