Қозоғистонда МДҲ молиявий разведка бўлинмалари раҳбарлари мажлиси ўтказилди

МДҲга аъзо давлатлар молиявий разведка бўлинмалари раҳбарлари кенгашининг 23-мажлиси бўлиб ўтди.

Фото: Иқтисодий жиноятларга қарши курашиш департаменти

Жорий йилнинг 7 июнь куни Қозоғистоннинг Олмаота шаҳрида бўлиб ўтаётган Евросиё гуруҳи 38-ялпи мажлиси ҳафталиги доирасида ўтказилган йиғилишида Бош прокуратура ҳузуридаги Департамент раҳбарияти бошчилигидаги делегация иштирок этди.

Арманистон, Беларусь, Қозоғистон, Қирғизистон, Россия, Тожикистон, шунингдек, МДҲ Ижроия қўмитаси, ЕОГ котибияти ва Молиявий мониторинг бўйича халқаро ўқув-методик марказининг масъул ходимлари қатнашган ушбу тадбирда кенгаш томонидан муқаддам қабул қилинган қарорлар ижроси ва ишчи гуруҳларининг фаолияти натижалари муҳокама қилинди ҳамда жиноий даромадларни легаллаштиришга ва терроризмни молиялаштиришга қарши курашишдаги илғор тажрибалар алмашилди.

Ўзбекистон делегациясининг Евросиё гуруҳи ялпи мажлисидаги иштироки давом этмоқда.