«Арсенал» «Монако»ни енгиб Амирликлар кубогини қўлга киритди

Амирликлар кубоги — 2023 финалида Англиянинг «Арсенал» ва Франциянинг «Монако» клублари учрашди. Ўйин Лондондаги «Эмирейтс — Эшбертон Гроув» стадионида ўтказилди.

Ўйиннинг асосий вақти 1:1 ҳисобида якунланди.

31-дақиқада монегаскликлар яримҳимоячиси Юссуф Фофана Муҳаммад Камаранинг узатмасидан кейин ҳисобни очганди. Бўлим охирида эса лондонликлар ҳужумчиси Эдди Нкетиа Габриэл Мартинеллининг бурчак жарима зарбасидан узатган тўпини дарвоза тўрига жойлади.

Ўйиннинг асосий вақти якунланганидан кейин дарҳол пеналтилар серияси бошланди, унда «Арсенал» футболчилари аниқроқ ҳаракат қилишди — 5:4. Сериядаги ягона хато зарба «Монако»нинг япониялик ҳужумчиси Такуми Минамино томонидан амалга оширилди, унинг дарвоза марказига йўллаган зарбасини Рамсдейл осонлик билан тўхтатди.

{Yii::t(}

Ўтказиб юбориш 6s

Ўтказиб юбориш

«Арсенал» бунгача мавсумолди йиғинлари доирасида «Нюрнберг» (1:1), МЛС юлдузлари (5:0), «МЮ» (0:2) ва «Барселона» (5:3) жамоалари билан ўртоқлик учрашувлари ўтказганди. Артета шогирдлари 6 август куни «Манчестер Сити»га қарши Англия Суперкубоги учун ўйин ўтказади. Жамоа АПЛнинг янги мавсумини 12 август куни «Ноттингҳэм»га қарши ўйин билан бошлайди.

«Арсенал» – «Монако» – 2:1 (1:1)
Голлар: 0:1 – Фофана (31), 1:1 – Нкетиа (43).
Пеналтилар серияси: Энрике – 0:1, Эдегор – 1:1, Фофана – 1:2, Жоржино – 2:2, Диатта – 2:3, Ҳавертц – 3:3, Минамино – хато, Виейра – 4:3. Фолланд – 4:4, Магаляэс – 5:4.
«Арсенал»: Рамсдэйл, Салиба (Магаляэс, 62), Кивер, Томиясу (Уайт, 63), Тимбер (Тирни, 62), Парти (Жоржино, 63), Райс (Ҳаверц, 62), Виейра, Смит-Роу (Эдегор, 62), Мартинелли (Троссар, 62), Нкетия (Маркинос, 83).
«Монако»: Кён, Марипан, Матсима, Магасса, Фофана, Камара (Матазо, 73), Энрике, Кампуш (Диатта, 73), Бен-Сегир (Минамино, 46), Головин (Аклиуш, 84), Бен Йеддер (Фолланд, 73).