Бухоро вилояти ҳокимига биринчи ўринбосар тайинланди

У аввалроқ «Ўзавтойўл»га раис бўлиб кетган Жамшид Турсунов ўрнини эгаллади.

Фото: Бухоро вилояти ҳокимлиги

Бухоро вилояти ҳокимлиги тузилмасида янги лавозим тайинлови амалга оширилди. Вилоят ҳокимлиги хабар беришича, Ботир Аҳмедов Бухоро вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланди.

Б.Аҳмедов 1982 йил 12 июнда Вобкент туманида туғилган. 2004 йилда Жаҳон иқтисодиёти ва дипломатия университети, 2007 йилда Тошкент давлат иқтисодиёт университети (магистратура)ни тугатган.

Маълумоти бўйича мутахассислиги - халқаро иқтисодий муносабатлар, бизнесни бошқариш.

Айни вақтга қадар у Иқтисодиёт ва молия вазирлиги Лойиҳалар офиси бошлиғи ўринбосари лавозимида ишлаб келаётганди.

Бухоро вилоятининг бундан олдинги биринчи ўринбосари Жамшид Турсунов (у бу лавозимда 2023 йил январида иш бошлаганди) 2023 йил июлида Транспорт вазирлиги ҳузуридаги Автомобил йўллари қўмитаси раиси лавозимига тайинланганди.