Алишер Шодмонов вазирнинг биринчи ўринбосари бўлиб қайтди

У 2017–2020 йилларда соғлиқни сақлаш вазири бўлганди.

Фото: Соғлиқни сақлаш вазирлиги

Тошкент тиббиёт академияси ректори Алишер Қаюмович Шодмонов Ўзбекистон Республикаси соғлиқни сақлаш вазирининг биринчи ўринбосари лавозимига тайинланди. Бу ҳақда ССВ матбуот хизмати хабар бермоқда.

А. Шодмонов 1962 йилда Тошкент шаҳрида туғилган. 1985 йилда Андижон давлат тиббиёт институтини тамомлаган. 2009–2010 йилларда Андижон давлат тиббиёт институтининг ўқув ишлари бўйича проректори, 2010–2015 йилларда Андижон давлат тиббиёт институти ректори лавозимларида меҳнат қилган.

2015–2017 йилларда Олий Мажлис қонунчилик палатаси депутати, қўмита раиси бўлган. 2017–2020 йилларда Соғлиқни сақлаш вазири лавозимида ишлаган.

Тиббиёт фанлари доктори, профессор А. Шодмонов 2020 йил ноябрида Тошкент тиббиёт академияси ректори этиб тайинланганди.

У айни вақтда ректорликни ҳам сақлаб қолган.

#тайинлов #Алишер Шодмонов