Шавкат Мирзиёев Озарбойжонга боради

Ўзбекистон президенти 22−23 август кунлари давлат ташрифи билан Озарбойжонда бўлади. Музокаралар якунида икки томонлама битимлар қабул қилиниши режалаштирилган.

Фото: Президент матбуот хизмати

Ўзбекистон президентининг Озарбойжонга давлат ташрифига доир расмий маълумот берилди. Унга кўра, Шавкат Мирзиёев Озарбойжон президенти Илҳом Алиевнинг таклифига биноан 22-23 август кунлари давлат ташрифи билан ушбу мамлакатда бўлади.

Ташриф дастурида олий даражадаги музокаралар ҳамда икки мамлакат етакчилари иштирокидаги бошқа тадбирлар ўтказилиши кўзда тутилган.

Кун тартибидан Ўзбекистон-Озарбойжон стратегик шериклик муносабатларини янада мустаҳкамлаш ва устувор йўналишлардаги амалий ҳамкорликни кенгайтириш масалалари ўрин олган.

Музокаралар якунида икки томонлама битимлар қабул қилиниши режалаштирилган.