Ўзбекистондан Хитойга газ экспорти камайди
Хитой томонига кўра, мамлакат 2023 йилнинг 7 ойи давомида Ўзбекистондан салкам 295 млн долларлик газ импорт қилган. Бу – ўтган йилнинг мос даврига нисбатан 42 фоизга кам.
Жорий йилнинг дастлабки 7 ойи давомида Ўзбекистондан Хитойга умумий қиймати 295,3 млн долларлик табиий газ экспорт қилинган. Бу ҳақда Хитой божхона бош бошқармаси маълумотларида келтирилган.
2023 йилнинг январь-июль ойларида Хитойга газ экспорт қилиш кўрсаткичлари:
- Апрель – 40,47 млн доллар;
- Май – 78,16 млн доллар;
- Июнь –85,27 млн доллар;
- Июль – 91,39 млн доллар.
Ўтган йилнинг мос даврида Хитойга экспорт ҳажми умумий ҳисобда 505,87 млн долларни ташкил қилган. Бу жорий йилдаги кўрсаткичлардан 41,6 фоизга кўп. Қисқариш январь-март ойларида Ўзбекистон газ экспортини амалга оширмагани билан боғлиқ.
Хитойга газ қандай нархларда импорт қилиниши ҳақидаги маълумотларни ҳар иккала томон ҳам очиқламаган.
Маълумот учун, жорий йилнинг дастлабки 6 ойи давомида газ қазиб олиш ҳажми 23,56 млрд куб метрни ташкил этиб, ўтган йилнинг мос даврига нисбатан 2,51 млрд куб метр (2022 йилнинг январь-июнь ойларида 26,07 млрд куб метр бўлган) ёки 9,6 фоизга қисқарган.
Мавзуга оид
21:40 / 02.10.2024
Қирғизистон Ўзбекистон туфайли гўшт экспортига вақтинчалик тақиқ жорий қилгани маълум бўлди
22:02 / 01.10.2024
Қозоғистон Хитойга газ етказиб беришни кўпайтириш учун яна бир газ қувури қурмоқчи
20:27 / 01.10.2024
Қирғизистонда «Хитой-Қирғизистон-Ўзбекистон» темирйўл компанияси офиси очилди
20:11 / 01.10.2024