Анқарада ИИВ биноси атрофида теракт содир этилди

Икки номаълум шахс Анқарадаги парламент ва ички ишлар вазирлиги бинолари яқинида портлаш содир этди. Бу ҳақда Туркия ИИВ раҳбари Али Ерлиқоя хабар бермоқда.

Унинг маълумотига кўра, ҳужум қилганлардан бири ўзини портлатиб юборган, иккинчиси «бартараф этилган».

Reuters агентлигига кўра, бундай формулировка ҳужум қилганларнинг иккинчиси полиция томонидан отиб ўлдирилганини англатади.

📽️#Ankara #Kızılay'da gerçekleşen #patlama anı güvenlik kamerasına yansıdı.#SONDAKİKA | #pazar | Türkiyem | Terörist pic.twitter.com/4Dm5ibMd5O

— Anadolu Jurnal (@anadolujurnal) October 1, 2023

«Отишма вақтида икки полициячимиз енгил жароҳат олди. Бизнинг курашимиз сўнгги террорчи зарарсизлантирилмагунича давом этади», — дея ёзган вазир Twitter саҳифасида.

Ҳеч бир ташкилот ҳозирча ҳужум учун жавобгарликни ўз зиммасига олмаган. Туркия ҳукумати ҳам бу теракт ортида ким турган бўлиши мумкинлиги тўғрисида маълумот бермаган.

Бугун парламентда депутатларнинг ёзги танаффусдан кейинги илк йиғилиши бўлиб ўтиши керак эди.