Шаҳар ҳокимининг биринчи ўринбосари Акамурод Узоқовга ҳокимлик вазифаси юклатилди.
27 октябр куни Қашқадарё вилояти Шаҳрисабз шаҳри ҳокимлигида аппарат йиғилиши ўтказилди. Йиғилишда вилоят ҳокими Муротжон Азимов ҳам иштирок этиб, сектор раҳбарлари ва масъуллар олдида турган вазифалар ва уларнинг ижросига тўхталди.
Йиғилишда Акамурод Авазович Узоқовга Шаҳрисабз шаҳар ҳокими вазифасини вақтинча бажариш юклатилди.
У шу вақтгача Шаҳрисабз шаҳри ҳокимининг молия-иқтисод ва камбағалликни қисқартириш масалалари бўйича биринчи ўринбосари - Иқтисодий тараққиёт ва камбағалликни қисқартириш бўлими бошлиғи лавозимида ишлаб келаётганди.
Шунингдек, 26 октябрдан Деҳқонобод тумани ҳокими сифатида иш бошлаган шаҳарнинг собиқ ҳокими Акром Сулаймонов янги лавозимга тантанали кузатиб қўйилди.
Сулаймонов 2020 йил ноябридан буён Шаҳрисабз шаҳрига раҳбарлик қилиб келаётганди.
