Ўзбекистон | 20:20 / 31.10.2023
20439
1 дақиқада ўқилади

Маданият вазирига биринчи ўринбосар тайинланди

Адлия тизими ходими маданият вазирининг биринчи ўринбосари лавозимига тайинланди.

Фото: Telegram / «Янги Ўзбекистон»

Ўзбекистон президенти қарори билан Авазхон Баҳодирович Тожихонов маданият вазирининг биринчи ўринбосари лавозимига тайинланди. Бу ҳақда Адлия вазирлиги матбуот хизмати хабар қилди.

У 2018 йилдан бери адлия тизимида фаолият юритиб келаётган эди.

Эслатиб ўтамиз, 2022 йил декабрида Туризм ва маданий мерос вазирлиги ҳамда Маданият вазирлиги негизида Маданият ва туризм вазирлиги ташкил этилиб, унга Озодбек Назарбеков раҳбар этиб тайинланганди. 2023 йил июлига келиб туризм соҳаси вазирликдан ажратилди ва Озодбек Назарбеков маданият вазири лавозимига тасдиқланди.

Бунгача Баҳодир Аҳмедов ва Мурод Мажидов маданият вазири ўринбосарлари лавозимларида ишлаб келмоқда.

 

Мавзуга оид