Chevrolet Onix’нинг энг арзон комплектацияси нархи 149 млн сўмдан 177 млн сўмгача қимматлашди. Нархи оширилган 5 хил турдаги Onix моделларининг бирортаси сотувда йўқ.
Фото: UzAuto Motors
UzAuto Motors компанияси Chevrolet Onix’нинг бир қатор позициялари учун нархларини оширди. Chevrolet.uz сайтидаги янгиланган маълумотларга кўра, нархлар 4,6 млн сўмдан 28 млн сўмгача қимматлашган. Нарх ошгани ҳақидаги маълумотлар бу сафар ҳам расман эълон қилинмади.
Chevrolet Onix моделларининг нархлари қуйидагича ўзгарган:
- Chevrolet Onix LS MT 149 млн сўмдан 176,9 млн сўмга;
- Chevrolet Onix 1LT MT 155 млн сўмдан 180,8 млн сўмга;
- Chevrolet Onix 4LT LTZ Turbo AT 185 млн сўмдан 199,9 млн сўмга;
- Chevrolet Onix Premier-1 – 207,3 млн сўмдан 211,9 млн сўмга;
- Chevrolet Onix Premier-2 – 214,7 млн сўмдан 219,6 млн сўмга қимматлаган.
Эътиборга молик жиҳати, ушбу позициядаги Onix автомобилларининг бирортаси сотувда мавжуд эмас.
Аввалроқ, Onix 3LT MT моделининг нархи ҳам 159 млн сўмдан 184,7 млн сўмга оширилиб, кейин сотувга чиқарганди.
Маълумот учун, ўтган ойда Lacetti, Damas, Labo вa Cobalt моделлари нархлари ҳам 4,7 млн сўмдан 9 млн сўмгача қимматлашганди.
