У эҳтиётсизлик қурбони бўлгани таъкидланмоқда.
Иллюстратив фото
25 ноябр куни Андижон вилояти, Булоқбоши туманидаги шахтада ишлаётган 46 ёшли эркак эҳтиётсизлик оқибатида вафот этди.
Қайд қилинишича, ҳодиса «Муҳаммад Тош» конида содир бўлган. Эркак тош чиқараётган вақтида устига тош юмалаб кетган ва босиб қолган. Оқибатда у воқеа жойида ҳалок бўлган.
Марҳумдан хотини ва икки фарзанди қолгани айтилмоқда.
Ҳолат юзасидан Булоқбоши тумани ИИБ тергов бўлими томонидан суриштирув ишлари олиб борилмоқда.
Шу йилнинг феврал ойида Тошкент шаҳри, Олмазор туманида «Сув таъминоти» ходими тупроқ босиб қолиши оқибатида ҳалок бўлган эди.
Октябр ойида Тошкент шаҳри, Учтепа туманида тупроқ ўпирилиши оқибатида 2 киши ҳалок бўлди.
