Воқеа Мирзо Улуғбек туманидаги 99-мактабнинг юқори синф ўқувчиси билан содир бўлган. Масъуллар боланинг вафот этганини тасдиқлади. Ҳозирда ўлим сабаблари текширилмоқда.
Тошкент шаҳридаги филология мактабининг 8-синф ўқувчиси таълим муассасаси ҳудудидаги очиқ электр токи симига тегиб кетгани ва оқибатда ток уриб, вафот этгани ҳақидаги хабарлар бўйича Мактабгача ва мактаб таълим вазирлиги матбуот котиби Дилфуза Собирова Kun.uz’га изоҳ берди.
Унинг маълум қилишича, воқеа чиндан ҳам Мирзо Улуғбек туманида жойлашган вазирлик ҳузуиридаги филология йўналишига ихтисослашган 99-мактабнинг юқори синф ўқувчиси билан содир бўлган.
«Болани ток ургани тасдиқланмаган, ҳозирда экспертиза ўтказиляпти. Натижасини кутяпмиз»,– деди Собирова.
Ҳолат юзасидан тез орада тўлиқ расмий маълумот берилиши кутилмоқда.
